Pujian Dzuhur

Pujian Dzuhur

Robbanaa Ya Robbanaa Dzolamnaa anfusana

waillam taghfirlanaa wa tarhamnaa 

lanakuunannaa minal khosiriin

Turunane Ibu Hawa Bapa Adam
Gelem netepi pengaturan Iman Islam

Gage wudhu tandang sholat rong roka’at
Gawe gedong ning suarga ni’mat rokhat

Gedong suarga bata emas perak selaka
Mambu kasturi ambar za'faron kangge dika

Sapa wonge pengen sugih dunya akhirat
Awan kerja bengi munajat aja keliwat

Ayu sholat kula kabeh berjamaah
Gagian kumpul berjamaah olih hikmah

Ya hikmahe wong kang solat berjamaah 
Drajat pitu likur seneng nemu bungah

Senajana ora khusyu’ ning atine
Sebab nyata imam lan makmum pada bodone  

Ya diterima sholate banget rageme 
Sebab ngurip-ngurip agama islame

Batuk niba sikil madal sujud syukur 
Dedongane mugi selamet subur makmur

Allah Allah Ya Allah gusti pengeran
Nuhun kiyat ibadah kula siweg belajaran

Mlarat ning dunya olih mangan olih nginum
Mlarat akherat mangane ya mung Ri Zakum

Ora manjing ora metu ning gorokan
Dadi nutupi maring dalane ambekan 

Wong ning neraka jerat jerit jaluk nginum
Nggo ngilangaken serete mangan ri zakum

Den inumi godogan timah banget panase
Usus ambrol daging ambrol pada rantase

Aduh gusti awak kula ya kepripun

Balik sing dunia mlebu kubur dadi getun

Aduh awak kagila-gila bodone
Tiwas pegel ibadah kula langka kanggone

Ayu donga muja muji awak kula
Nuhun dirobah nasib kula ingkang ala

Gusti nuhun panjang umur jembar rezeki
Mugi Allah nolak blai sa’ puniki

Amin Amin Ya Allah Robbul ‘alamin
Nuhun diqobul donga kula tiang miskin 

Amin-amin Ya Allah Robul 'alamin
Mugi kula dadi golongan wong mu'min

Amin Amin Ya Allah Robbul alamin
Mugi slamet sedayane tiang mu’min