Mutiara Nadzom 1

Mutiara Nadzom 1

Duh Gusti kang sifat Rohman

Mugi ngesoaken kerohmatan

Keselametan dateng abdi Tuhan

Nabi Muhammad ing kang pungkasan

Kawula warga sohabate pisan

Umat Islam boten ketinggalan

Dateng dunya subur ma’mur aman

Sampe dugi zaman kelanggengan

Laa ilaaha Illallooh Al-Malikul Haqqul Mubin

Muhammadur Rosuulullooh Shodiqul wa'dil Amiin

 

Gusti sinuhun nawuri sorban

Ngideri mesjid minangka hudan

Dipun beber Nyai Mas Ayu

Gandasari saking Dermayu

Duh Gusti sae temen

Sorban niki kangge sinten

Jawab Gusti sorban niki

Kangge umat Kanjeng Nabi

Umat ing kang purun sholat

Serta nurut perentah sunnat

Perentah Allah kang den pasti

Ora tinggal sampe mati

Lamun sira dadi wong mampang

Alamat   bakal    kejurang

Prentah Alloh Prentah Rosul

Ahli Nabi dipun singkur

Ngaku bisa ning syahadat

Takabur kang luwih berat

Berate ngaku bisa

Mangka Alloh bakal nyiksa

Siksane    kasia - sia

Sira nyingkur ning wong mulya

Aja sambat kaniyaya

Bakal teka mungsuh ira

Sing kandel-kandel kulite

Sing akas-akas balunge

Sing tegas penjawabane

Diganden mangsa wurunga

Ya Muhaiminu Ya Salaam

Nuhun Rohmat sarta Salam

Ning Kanjeng Nabi sarta kholifah

Ali Nabi Siti Khodijah

Ya Muhaiminu Ya Salaam

Nuhun Rohmat sarta Salam

Ning Kanjeng Nabi ning adepan

Ayu matur mungpung sowan